Estamos acostumados ás historias en tres actos: presentación, nó e desenlace. Mais, desta vez, alguén baixou o telón a destempo. E, dalgún xeito, quedamos coa man estendida coma o neno que agarda que lle dean lambonadas porque é o seguinte na fila. Pero, non.
Así, pois, coa debida distancia, o Club de Lectura despídese virtualmente ata setembro das súas pequenas estrelas, agardando volver velas orbitar arredor dalgún libro de contado.
E, en canto ás nosas estrelas máis veteranas -Erika, Judith, Andrea e Ángela-, que hoxe deixades esta galaxia, só nos queda desexarvos boa viaxe e que a lectura vos acompañe!
