novedades en la biblioteca

La ratonera

Fai uns anos gozamos xa da lectura desta magnífica obra teatral. Anos máis tarde queremos revivir a experiencia de intentar descobrir ó misterioso asasino. Ágatha Christie, unha vez máis, fainos perder a paciencia, e sobretodo devorar o libro ata dar co culpable de toda a trama. Moitos non puidestes resistirvos a ler soamente o primeiro acto, de xeito que o próximo xoves comentaremos a totalidade da obra, salvo que finalmente alguén non o dese acabado, loxicamente. Tampouco se trata de desvelar o segredo tan ben gardado.

Aí vos deixo unha preguntiña para que vaiades aportando cousiñas...:

¿Quen era o voso principal sospeitoso?

Malditas matemáticas

"Alicia no país dos números" introdúcenos no universo da lóxica matemática e da paisón do novelista e matemático Lewis Carrol, da man do seu autor, Carlo Frabetti.

O grupo de 1º-2º ESO os mércores podedes formular e despexar dúbidas, comentar ideas, manifestar opinións... O profesor Iñaki acompañaravos nesta aventura a través dos números. 


Gozade da lectura... e especialmente da compaña!!!

Un ano máis as estrelas seguimos a nosa andaina polo universo da lectura na boa compaña.
De momento catro rapaces máis se animan a asistir ó club, e ademáis contamos coa inestimable participación de estrelas xa veteranas.

En primeiro da ESO: Jaiza, Samia e Nuria González

En segundo da ESO: Nuria González, Lis Vallori, Iria García Porto, Leila, Nuria 
Bugallo, Gabriela Cores e Adrián Esperón

En terceiro da ESO: Sara Caballero, Nicolás, Patricia, Rut, Ángela, Ana Muñoz, María Paz, Alba Tajes e Alba Ramos.

Agardamos que as lecturas e os momentos compartidos sigan sendo do voso agrado.

Este ano como novidade especial imos contar coa participación de profesores de distintas materias (ciencias, francés, matemáticas, música, inglés, castelán, sociais e orientación). As lecturas realizaranse nas catro linguas que se estudian no centro: castelán, galego, inglés e francés.

Grupo nº 1: Os mércores reúnense os alumnos de 1º e 2º ESO.
Grupo nº 2: Os xoves reúnense os alumnos de 3º ESO.

Auvergne

Maurice Billard 
tiene el gusto de invitaros a su exposición:

"AUVERGNE,

 LA REGIÓN DE MI FAMILIA PATERNA".

Hoy en el recreo en la biblioteca.

EN SEMANA SANTA, TAMÉN TOCA LECTURA...

En Semana Santa continuamos lendo. Nesta ocasión, unha novela en castelán, Zapatos de tacón; e unha antoloxía de lendas, en inglés.

Xa temos este libro á vosa disposición na biblioteca. Está moi recomendado... ¿Atréveste a ser o primeiro en darnos a súa opinión ó respecto?

O autor viaxa pola súa costa natal na busca de resposta á pregunta que titula este libro. Polo camiño atópase con historias de espías e de naufraxios, crónicas políticas, retratos de asesinos en serie, misterios do pasado e ata fazañas bélicas. Tamén conversa con outros que, coma el, converteron a observación das aves nunha forma de vida... O resultado é unha celebración de canto nos aporta a Natureza salvaxe, e un recordatorio do moito que perdemos ó renunciar a ela.