FÓRA DE CONCURSO: Microrrelato nº 2: Illado, de Peste Negra

Illado 
  
Abriu os ollos. Todo estaba escuro. Decatouse que estaba tendido. Cheiraba a 

desinfectante. Incorporouse e prendeu a luz. Lembraba onde estaba. Illado naquel 

cuarto, sen poder saír, onde unicamente dúas veces cada día tiña contacto co exterior. 

Cando lle pasaban a comida e cando o médico lle facía o exame clínico. Un exame a 

distancia. Febre? Tómese a temperatura. Dor de cabeza? Tos? Nada máis. 

Non sabía cantos días levaba alí. Perdera o sentido do tempo. Sabía que tiña 

que pasar a corentena, pero cada vez levábao peor. Durmía cada vez máis axitado, 

con pesadelos reiterados. O máis común era que enfermaba, empezaban os síntomas, 

cada vez máis grave, e deixábano morrer naquela prisión aséptica. 

Tranquilizouse. Non podía deixarse levar polo desánimo. Sentiu abrir a porta. 

Un home de bata branca entrou sorrindo: 

- Rematou a corentena. Benvido á Terra, señor Neil Amstrong. Que tal pola Lúa? 

Peste Negra